د پولیو له منځه وړلو پروګرام - افغانستان
بېړنی عملیاتي مرکز
د پولیو له منځه وړل د افغانستان د حکومت او عامې روغتیا وزارت (MoPH) له مهمو لومړیتوبونو څخه دي. د افغانستان حکومت لا هم د پولیو د بشپړ له منځه وړلو نړۍوال هدف ته په ټینګه ژمن دی.
د همدې موخې لپاره، د عامې روغتیا وزارت تر چتر لاندې ملي بېړنی عملیاتي مرکز (EOC) د ۲۰۱۶ زېږدیز کال په نومبر میاشت کې د ګېټس بنسټ (GF) په مالي ملاتړ جوړ شو، څو د افغانستان د حکومت په مشرۍ د پولیو له منځه وړلو هڅو د همغږۍ د مرکز په توګه فعالیت وکړي.
د بېړني عملیاتي مرکز (EOC) موخې
د بېړني عملیاتي مرکز موخه دا ده چې په افغانستان کې د پولیو له منځه وړلو فعالیتونو اغېزناکه څارنه وکړي او د ټولو شریکانو ترمنځ همغږي رامنځته کړي.
دا مرکز د پولیو له منځه وړلو د فعالیتونو لپاره لومړیتوبونه او اغېزناکې لارې چارې ټاکي، څو د دغو فعالیتونو پلان جوړونه، پلي کول او څارنه په مناسب او غوره ډول ترسره شي.
د بېړني عملیاتي مرکز په دندو کې د پولیو له منځه وړلو نوښت (PEI) او د معمول واکسیناسیون (RI) له شریکانو سره همغږي او اړیکې ساتل، د اغېزناکو عملیاتو او اړیکو پیاوړتیا، د عامه ملاتړ (Advocacy) وده او د شریکانو ترمنځ د همکارۍ او مشارکت پیاوړتیا هم شامل دي.
د بېړني عملیاتي مرکز (EOC) جوړښت او کاري څرنګوالی
د بېړني عملیاتي مرکز (EOC) مشري د عامې روغتیا وزارت کوي. د دغه مرکز اصلي غړي د روغتیا نړۍوال سازمان (WHO)، د ملګرو ملتونو د ماشومانو وجهي صندوق (UNICEF)، ګېټس بنسټ (Gates Foundation)، د امریکا د ناروغیو د کنټرول او مخنیوي مرکز (CDC)، روټري انټرنېشنل (Rotary International)، د پولیو پروژې اصلي ډله (Core Group Polio Project – CGPP)، د کتلوي معافیت ملي پروګرام (EPI) مدیر او د پولیو ملي مسوول (National Polio Focal Point) دي.
په بېړني عملیاتي مرکز کې د ستراتیژیکو پرېکړو اصلي مرجع د ستراتیژۍ کاري ډله (Strategy Working Group – SWG) ده، چې د حکومت او د اصلي شریکانو استازي پکې غړیتوب لري.
د روغتیا نړۍوال سازمان (WHO) او یونیسف (UNICEF) د پولیو پروګرام اصلي پلي کوونکي شریکان دي، په داسې حال کې چې ګېټس بنسټ (Gates Foundation)، د امریکا د ناروغیو د کنټرول او مخنیوي مرکز (CDC) او روټري انټرنېشنل (Rotary International) مالي او تخنیکي ملاتړ برابروي. د پولیو پروژې اصلي ډله (CGPP) له نادولتي موسسو (NGOs) سره د همغږۍ د هڅو ملاتړ کوي.
ملي بېړنی عملیاتي مرکز په کابل کې موقعیت لري، او څلور سیمهییز بېړني عملیاتي مرکزونه په کندهار، ننګرهار، هرات او پکتیا ولایتونو کې فعالیت کوي. سربېره پر دې، یوازې یو ولایتي بېړنی عملیاتي مرکز په هلمند ولایت کې فعالیت لري.
د پولیو له منځه وړلو د نړیوال نوښت (GPEI) اصلي شریکان
• |
د پولیو له منځه وړلو نړۍوال نوښت (GPEI) پنځه اصلي شریکان لري. |
| • |
د روغتیا نړۍوال سازمان (WHO)
د تکمیلي واکسیناسیون
کمپاینونو (SIA)
او د پولیو د څارنې د
فعالیتونو مخکښه پلې کوونکې اداره ده. |
| • |
یونیسف
(UNICEF) د
اړیکو، عامه ملاتړ، د پرمختګ لپاره د اړیکو
(Communication for Development – C4D)، او د
واکسینونو د تدارک او مدیریت په برخو کې مخکښه پلې کوونکې اداره ده. |
| • |
ګېټس بنسټ
(Gates Foundation) د پولیو له منځه وړلو نوښت (PEI)
له مهمو تمویلوونکو
شریکانو څخه دی او د بېړني عملیاتي مرکز (EOC) د فعالیتونو، مدغمو روغتیايي خدمتونو او تخنیکي
مرستو ملاتړ کوي. |
| • |
روټري انټرنېشنل
(Rotary International) د پولیو له منځه وړلو نړۍوال نوښت
(GPEI) له
اصلي تمویلوونکو غړو څخه دی. |
| • |
د امریکا د ناروغیو د کنټرول او مخنیوي مرکز (CDC)
د GPEI له اصلي شریکانو څخه دی، چې د پولیو له منځه وړلو
نوښت (PEI) لپاره تخنیکي او د ظرفیت لوړونې ملاتړ برابروي، او
همدارنګه د پولیو له منځه وړلو او واکسیناسیون اړوند څېړنو او سروېګانو ملاتړ کوي. |
د ټولنې د ښکېلتیا ستراتیژي
د امریکا د ناروغیو د کنټرول او مخنیوي مرکز (CDC) د تعریف له مخې، د ټولنې ښکېلتیا هغه بهیر دی چې د ګډ کار او همکارۍ له لارې له هغو خلکو او ټولنو سره ترسره کېږي چې د جغرافیایي نږدېوالي، ګډو ګټو یا ورته شرایطو له مخې یو له بل سره تړاو لري، څو هغه ستونزې حل کړي چې د دوی پر هوساینې او روغتیا اغېز کوي.
د ټولنې ښکېلتیا د چاپېریال او د خلکو د چلند په بدلون کې مهم رول لري، او د همدې بدلونونو له لارې د ټولنې او د هغې د غړو د روغتیا په ښه والي کې مرسته کوي.
په ډېرو مواردو کې، د ټولنې ښکېلتیا د بېلابېلو شریکانو ترمنځ همکارۍ او شراکتونه رامنځته کوي، چې د سرچینو په بسیجولو، د سیسټمونو په پیاوړتیا، د شریکانو ترمنځ د اړیکو په ښه والي او د پالیسیو، پروګرامونو او کاري کړنلارو په ښه کولو کې مهم رول لري.
د اړیکو او عامه ملاتړ تګلاره
ستراتېژیک ارتباطي پلان په افغانستان کې د پولیو د له منځه وړلو پروګرام له مهمو بنسټونو څخه دی. په دغه پلان کې د عامه پوهاوي لوړول، د واکسین د اهمیت په اړه د ټولنې د پوهې زیاتول او د پولیو واکسین په اړه د خلکو د نظرونو او لیدلوري مثبت بدلون شامل دي.
خو په بریالۍ توګه د دغه پلان پلي کېدل د ټولنې د ستونزو او هغو شرایطو ژور درک ته اړتیا لري چې د پولیو پروګرام پکې فعالیت کوي.
د اړیکو کاري پلان د ستراتېژیکو اړیکو له معیاري چوکاټ څخه په ګټې اخیستنې د پولیو له منځه وړلو د موخو د ترلاسه کولو لپاره پلي کېږي.
• |
د اغېزناکتیا لپاره سیمهییزه تګلاره: د هرې سیمې د کلتوري ځانګړتیاوو، ژبنیو ګړدودونو او محلي اړتیاوو په پام کې نیولو سره سیمهییز ارتباطي پلانونه جوړېږي او تنظیمېږي. |
| • |
د اغېز لپاره ستراتېژیکه پلان جوړونه: ارتباطي فعالیتونه د پروګرام د مهمو ننګونو حل ته
لومړیتوب ورکوي، چې په کې د واکسین له اخیستو انکار، لوړ خطر لرونکي ګرځنده وګړي
او ناسم تبلیغات او اوازې شاملې دي. |
| • |
له معلوماتو اغېزناکه ګټه اخیستنه: د ساحوي سروېګانو له لارې راټول شوي معلومات د اړیکو د ستراتېژۍ د ښه پلي کولو او د هغې د اغېزناکتیا لوړولو لپاره کارول کېږي. |
| • |
پیغامونه: یو شان او همغږي پیغامونه د اغېزناکو اړیکو لپاره ډېر مهم دي. د ټولنې د ښکېلتیا او نورو ارتباطي فعالیتونو لپاره مهم پیغامونه په دوامداره توګه ارزول کېږي او نوي کېږي. |
| • |
همغږي: د ملي او سیمهییزو اړیکو ټیمونو ترمنځ همغږي او ګډ کار پیاوړی کېږي. همدارنګه، د پولیو پروګرام او نورو بشپړوونکو روغتیايي پروګرامونو، لکه روغتیايي خدمتونو ته د اړتیا وړ کسانو راجع کول او معمول واکسیناسیون، ترمنځ همکاري او همغږي نوره هم پراخېږي. |
| • |
شراکتونه: د اغېز لرونکو اشخاصو او شریکانو د شبکې پراخول، څو دیني عالمان، روغتیايي مرکزونه، روغتیايي شوراګانې، د ګذر وکیلان او نور اغېز لرونکي کسان هم پکې شامل شي. |